احنا أنانيس
كنت بحب واحدة .. بعد ماقولتيلها ان أنا بحبها .. روحت قولتلها بتلقائية "أنا محتاجلك" .. ردت عليا بسذاجة "محتاجلي في ايه!!؟"
أنا كنت صادق فعلا .. كنت محتاجلها بجد .. ماكنتش مجرد بسمع اسطوانة لبنت و السلام علشان أكل دماغها .. الغريب في الموضوع .. ان أنا سألت نفسي نفس السؤال .. معرفتش أرد عليها .. ولقيت نفسي بكرر نفس الجملة بارتباك :"أنا محتاجلك .. محتاجلك" .. مظهرا ملامح استغراب من السؤال على أساس ان الاجابة منطقية
بس أنا بقى كنت محتاجلها ليه؟ .. أنا كنت عايزها .. كنت عايز اتكلم معاها .. كنت عايز أبص في عنيها .. كنت عايزأمسك ايديها .. بس كل ده ليه ؟؟ .. طب ما كنت أروح اتكلم مع حد تاني .. ولا أبص في عين حد تاني .. ولا .. ولا .. اشمعنا هيا ؟!؟؟
أنا محتاج أبويا علشان يصرف عليا .. محتاج أمي علشان تتطبخلي وتغسلي هدومي .. محتاج اخواتي علشان .. مش علشان حاجة .. أنا مش محتاجلهم أصلا .. أهم اخواتي .. طلعت للدنيا لقيتهم اخواتي .. ماخترتهمش بمزاجي .. لكن صحابي بقى أنا اخترتهم .. بمزاجي .. يعني أنا محتاجلهم .. محتاجلهم في ايه بقاااااااااا ؟؟
في نظرية بتقولك : اعمل اصحاب .. عاملهم كويس .. اخدمهم بعنيك .. متزعلش اخواتك .. حافظ على علاقتهم .. متقطعش مع أخوالك .. عمامك .. عماتك .. خالاتك .. ولاد عمامك .. ولاد خا ................ اكسب أكبر عدد من الناس على قد ماتقدر .. أهو احتجت سلفة ولا بتاع .. حبيت تغير العربية و ماعكش فلوس .. حبيت تتطلع رخصة و متعرفش حد في المرور .. اتخدت تحري تلاقي حد تعرفه يخرجك قوام قوام قبل متخش الحجز .. وكده يعني
لما حد يموت .. تلاقي كل الناس (معارف أهله) ييجوا يعزوا أهله .. قريب قريب .. قريب من بعيد .. جار من قبل ما يعزلوا .. زميل في الشعل عمرهم ما شافوه .. صديق عمرهم ما سمعوا عنه .. بس هل أهل الميت دول محتاجين كده فعلا ؟! .. طب محتاجين كده ليه ؟؟؟!!! .. برده لو حد عيي .. تلاقي كل معارفه ييجوا يزوروه .. اللي معاه ورد واللي معاه شيكولاته .. لسه مراط خالي متصلة بيا أول امبارح مهزئاني علشان مازورتهاش لما عملت عملية الزايدة .. مع ان ملايين الناس راحوا زاروها .. نفس السؤال برده هما محتاجين كده ليه ؟؟
أول مره فعلا احتجت لصديق بجد .. مش علشان سلفة بقى ولا حاجة من ده .. كنت أنا في أولى ثانوي .. خرجت من امتحان كنت عاكك فيه عك .. ماقولكش .. وأنا بقى كنت شاطر أوي ساعتها .. كنت هانهار .. كنت فعلا ساعتها محتاج لصديق اترمي في حضنه و أعيط
في مثل مشهور قوي بيقولك "ضل راجل ولا ضل حيطة" .. بتقوله النسوان لبعضيها .. و اللي أكيد أطلقه أول مرة كانت واحدة ست .. و مفيش الا الستات اللي تحس بيه و تفهمه .. ايه بقي وجه المقارنة بين الحيطة و الراجل ؟! .. يمكن القوة .. والا ست كانت مخنوقة من الشمس .. الست مش هتدور على هرقليز تتجوزه .. ولا هتدور على شجرة تمسك ايديها وتحط عليها منديل أبيض و تتجوزها .. غالبا المثل ده بيطلق لما العريس يبقى مش قد كده .. تسالها صاحبتها "انت ايه اللي جابرك على كده" .. تقوم تقوللها العروسه "ياستي .. ضل راجل ولا ضل حيطة"؟
الانسان اجتماعي بطبيعته .. بفطرته .. بيحتاج لانسان يفهمه .. يشاركه أفراحه أو احزانه .. يشاركه همومه و طموحاته .. يلاقيه لما يحتاجله .. يلاقي فيه الودن اللي هاتسمعه .. القلب اللي هايحسه .. العقل اللي هايديلله النصيحة .. العين اللي هاتضمه ..الحضن اللي هايريحه
الغريب في الموضوع ان كل الحاجات ده .. حاجات نفسية .. لو قدرنا نتخلا عنها .. لو قدرنانتغلب عليها .. لو قدرنا نعيش لنفسينا بنفسنا .. يبقى الموضوع اتحل .. بس ده الانسان .. واحنا أنانيس
أنا كنت صادق فعلا .. كنت محتاجلها بجد .. ماكنتش مجرد بسمع اسطوانة لبنت و السلام علشان أكل دماغها .. الغريب في الموضوع .. ان أنا سألت نفسي نفس السؤال .. معرفتش أرد عليها .. ولقيت نفسي بكرر نفس الجملة بارتباك :"أنا محتاجلك .. محتاجلك" .. مظهرا ملامح استغراب من السؤال على أساس ان الاجابة منطقية
بس أنا بقى كنت محتاجلها ليه؟ .. أنا كنت عايزها .. كنت عايز اتكلم معاها .. كنت عايز أبص في عنيها .. كنت عايزأمسك ايديها .. بس كل ده ليه ؟؟ .. طب ما كنت أروح اتكلم مع حد تاني .. ولا أبص في عين حد تاني .. ولا .. ولا .. اشمعنا هيا ؟!؟؟
أنا محتاج أبويا علشان يصرف عليا .. محتاج أمي علشان تتطبخلي وتغسلي هدومي .. محتاج اخواتي علشان .. مش علشان حاجة .. أنا مش محتاجلهم أصلا .. أهم اخواتي .. طلعت للدنيا لقيتهم اخواتي .. ماخترتهمش بمزاجي .. لكن صحابي بقى أنا اخترتهم .. بمزاجي .. يعني أنا محتاجلهم .. محتاجلهم في ايه بقاااااااااا ؟؟
في نظرية بتقولك : اعمل اصحاب .. عاملهم كويس .. اخدمهم بعنيك .. متزعلش اخواتك .. حافظ على علاقتهم .. متقطعش مع أخوالك .. عمامك .. عماتك .. خالاتك .. ولاد عمامك .. ولاد خا ................ اكسب أكبر عدد من الناس على قد ماتقدر .. أهو احتجت سلفة ولا بتاع .. حبيت تغير العربية و ماعكش فلوس .. حبيت تتطلع رخصة و متعرفش حد في المرور .. اتخدت تحري تلاقي حد تعرفه يخرجك قوام قوام قبل متخش الحجز .. وكده يعني
لما حد يموت .. تلاقي كل الناس (معارف أهله) ييجوا يعزوا أهله .. قريب قريب .. قريب من بعيد .. جار من قبل ما يعزلوا .. زميل في الشعل عمرهم ما شافوه .. صديق عمرهم ما سمعوا عنه .. بس هل أهل الميت دول محتاجين كده فعلا ؟! .. طب محتاجين كده ليه ؟؟؟!!! .. برده لو حد عيي .. تلاقي كل معارفه ييجوا يزوروه .. اللي معاه ورد واللي معاه شيكولاته .. لسه مراط خالي متصلة بيا أول امبارح مهزئاني علشان مازورتهاش لما عملت عملية الزايدة .. مع ان ملايين الناس راحوا زاروها .. نفس السؤال برده هما محتاجين كده ليه ؟؟
أول مره فعلا احتجت لصديق بجد .. مش علشان سلفة بقى ولا حاجة من ده .. كنت أنا في أولى ثانوي .. خرجت من امتحان كنت عاكك فيه عك .. ماقولكش .. وأنا بقى كنت شاطر أوي ساعتها .. كنت هانهار .. كنت فعلا ساعتها محتاج لصديق اترمي في حضنه و أعيط
في مثل مشهور قوي بيقولك "ضل راجل ولا ضل حيطة" .. بتقوله النسوان لبعضيها .. و اللي أكيد أطلقه أول مرة كانت واحدة ست .. و مفيش الا الستات اللي تحس بيه و تفهمه .. ايه بقي وجه المقارنة بين الحيطة و الراجل ؟! .. يمكن القوة .. والا ست كانت مخنوقة من الشمس .. الست مش هتدور على هرقليز تتجوزه .. ولا هتدور على شجرة تمسك ايديها وتحط عليها منديل أبيض و تتجوزها .. غالبا المثل ده بيطلق لما العريس يبقى مش قد كده .. تسالها صاحبتها "انت ايه اللي جابرك على كده" .. تقوم تقوللها العروسه "ياستي .. ضل راجل ولا ضل حيطة"؟
الانسان اجتماعي بطبيعته .. بفطرته .. بيحتاج لانسان يفهمه .. يشاركه أفراحه أو احزانه .. يشاركه همومه و طموحاته .. يلاقيه لما يحتاجله .. يلاقي فيه الودن اللي هاتسمعه .. القلب اللي هايحسه .. العقل اللي هايديلله النصيحة .. العين اللي هاتضمه ..الحضن اللي هايريحه
الغريب في الموضوع ان كل الحاجات ده .. حاجات نفسية .. لو قدرنا نتخلا عنها .. لو قدرنانتغلب عليها .. لو قدرنا نعيش لنفسينا بنفسنا .. يبقى الموضوع اتحل .. بس ده الانسان .. واحنا أنانيس