الحل ?! ... معرفش
ــ حبيبتي ... انت فين و أنا فين ، انت باباكي راجل غني , وأنا أبويا على أد حاله , انت باباكي عنده النفوذ والسلطة ، وأنا أبويا مش لاقي حتى الهدمة
ــ ياحبيبي , الحب مافيهوش فوارق ولا طبقات
ــ يعني انت تفتكري ان هما ممكن يرضوا بيا ؟
ــ حتى لو مرضيوش ، أنا عندي استعداد اني أهرب من البيت ، وأعيش معاك حتى لو في عشه ، واكلها بدقة
ــ هتقدري تستحملي الفقر ، وعمرك ماهتشتكي
ــ هنبقى أغنيا يا حبيبي بحبنا ،هنفطر حب ، ونتغدا حب ، ونتعشى حب ، و تبقى عيشة حب في حب
النهاية
لو سألنا نفسينا : سمعنا الجمل ده ، وشوفنا المشهد ده و لقينا الموقف ده كام مرة في أفلامنا و مسلسلاتنا اللي اتعملت لحد دلوقتي ؟؟؟ ... يالهوي , ميتهيأليش ان في حد هيعرف يعد ، كتير أوي ، بس عمرهم ماجابوا ايه اللي ممكن يحصل بعد كده ، يا ترى هتقدر تكمل حياتها ؟؟ا .. ياترى هتقدر تعيش عشرين أو خمسة عشرين سنة (ده لو ربنا اداها طولت العمر) في هذا الفقر المدقع .. بعد منتهى الرفاهية اللي هي كانت عايشاها في بيت أبوها ، في يوم وليلة تعرف ان هي هتكمل بقية حياتها في الفقر الشديد ده ، طب ايه اللي هيخليها تصبر على كده ؟؟ ... الحب !!! ، ده كتير من العلاقات الزوجية بتفشل وهي قايمة علي حب زي الحب بتاع أخينا اللي فوق ده ، ويمكن أقوى منه كمان .. أمال في ايه ؟؟ ، ايه اللي خلى البنت اللي فوق ده تدي القرار العبيط ده ، واللي هتندم عليه طول عمرها ؟؟ ويمكن تكون قعدت تفكر فيه اسبوعين تلاتة ؟؟ ...... الحـــــب ، طب و ايه الحب ده اللي خلاها تاخد قرار زي ده ؟؟
كتير من الناس تلاقيهم بيقولوا انهم بيبقى نفسهم يقدروا يتحكموا في تصرفاتهم لما يكونوا عصبيين .. أكتر منهم بيبقي نفسهم يبقوا سعدا و يتغلبوا على حزنهم .. و كتير برده بيبقى نفسهم مايخافوش و مايجروش لمايشوفوا فار ولا صرصار ، واكتر واكتر واكتر من اخوانا الشباب بيندموا أشد الندم لما يعملوا المصيبة بعد ما يشوفوا فيلم جنسي ولا اغنية لبوسي سمير ولا نجلا ؟؟؟؟
الحب : مشاعر ؛ زي أي مشاعر من المشاعر اللي احنا قلناها : زي العصبية ، زي السعادة ، زي الحزن ، زي الجنس .. الخوف .. القلق .. زي .. زي ....... الى آخره
ولما ييجي حد يتكلم عن المشاعر يقولك هي في القلب .. القلب ؟؟ ويتكلم عن العقل كأنه شئ مضاد أو شيء عكس المشاعر ...!!! ده معناه ايه ؟؟ معناه ان المشاعر لما تتملك من الانسان لا يستطيع ان يستخدم عقله .. بيتشل تفكيره شلل تام .. و ده حقيقي !! .. مين منا بيعرف يذاكر لما يكون جعان .. مين منا بيعرف يركز في المحاضرة لما يشوف نحلة ولا ضبور عمال يلف حوليه
المشاعر مش حاجة وحشة .. بالعكس .. ده شيء جميل !! ..يمكن المشاعر هي الحاجة الوحيدة اللي بتفرقنا عن الكمبيوترس و الروبوتس.. و لو فكرنا شوية كمان هنلاقي ان المشاعر والرغبات هي السبب الرئيسي ورا التقدم المذهل الحالي للبشرية .. الجوع خلانا نعمل البوتاجاز والخلاط والميكروويف .. الضعف هو اللي خلانا نعمل الونشات والجرارات و الحفارات .. واللي قبلنا قالوها : الحاجة أم الاختراع
طب و الحل ايه ؟؟ معقولة مفيش حل ؟؟؟!! هنسيب مشاكل الحب تنهش مجتمعنا كل يوم !!؟؟
انت لما تكون جعان .. بتحاول تنسى ؟؟ لا أبدا انت بتدور على اكل لحد ما
تلاقي .. طب و لو مالقيتش ؟؟ .. بتصبر و فعلا بتحاول تنسى ، لكن هل بتشبع كده و خلاص المشكلة اتحلت ، ده انت بتجوع أكتر و بينتهي الحال بيك في الشارع و انت بتسرق مخبز ولا فطاطري !!! ... لأ ده كده متبقاش مشكلة ، ده تبقى مصيبة
دورت كده على أي بلد أو أي مجتمع معندهوش المشكله ده .. اتصدمت بالمجتمع الأمريكي كأول مجتمع أبصله أساسا .. لقيته فعلا معندوش المشكلة ده .. ده مش كده وبس .. ده أنا ملقيتش عنده أي مشكلة اجتماعية من أصله .. مفيش لا عادات ولا تقاليد .. مافيش قيود على المرأه نهائيا .. ده هي أساسا بتحب ولا مابتحبش بتسيب بيت أهلها بعد سن ال16
أي بنت بتعمل اللي هي عايزاه .. مفيش ست بقي تقول : شوفي ياختي البــت ماحدش مالي عينها .. ولا حد يقول : آه ماهي مش لاقيه حد يربيها .. ولا في الكلام ده خالص .. مفيش حد ليه دعوة بحد .. البنت بيبقى ليها ال"بوي فرند" عند سن ال16 و يمكن قبل كده .. ولو البنت ماعندهاش "بوي فرند" بعد السن ده يودوها لدكتور نفساني .. مفيش بقى عريس يفضح مراته يوم الزفاف ولا حاجة من ده أبدا .. دول يضحكوا عليه !!!!؟
بس لو النظام ده فعلا حصل في مصر .. هل يستطيع الرجل الشرقي أن يتقبل هذا الوضع ؟؟؟ يانهار أسود !!؟؟ ده يحصل مجازر !! .. هيتم اعدام جميع انثوات مصر في ميدان التحرير والجدع يتكلم .. ده مسألة شرف يابابا ؟؟
بصراحة عندهم حق .. ده أحسن حاجة في مصر دمها الحامي .. أمال عايزنا نبقى خنازير ؟؟؟!!؟؟ .. مع ان نموذج المجتمع الأمريكي بدأ بالتدريج يتسلل لمجتمعنا .. مع الانفتاح و القنوات الفضائية .. و المدن الجديدة والجار اللي مايعرفش الجار الل جانبه .. ولا عارف الشقة اللى تحتيه بيحصل فيها ايه باليل ... الى آخره .. ربنا يستر
ــ طب برده .. فين الحل ؟؟ .. انت عمال تقول في اقتراحات وترجع تقول ان هي متنفعش .. فين يا عم انت الحل ؟؟!!؟؟
ــ الحل ؟؟!! .................................. معرفش !!!؟
ــ ياحبيبي , الحب مافيهوش فوارق ولا طبقات
ــ يعني انت تفتكري ان هما ممكن يرضوا بيا ؟
ــ حتى لو مرضيوش ، أنا عندي استعداد اني أهرب من البيت ، وأعيش معاك حتى لو في عشه ، واكلها بدقة
ــ هتقدري تستحملي الفقر ، وعمرك ماهتشتكي
ــ هنبقى أغنيا يا حبيبي بحبنا ،هنفطر حب ، ونتغدا حب ، ونتعشى حب ، و تبقى عيشة حب في حب
لو سألنا نفسينا : سمعنا الجمل ده ، وشوفنا المشهد ده و لقينا الموقف ده كام مرة في أفلامنا و مسلسلاتنا اللي اتعملت لحد دلوقتي ؟؟؟ ... يالهوي , ميتهيأليش ان في حد هيعرف يعد ، كتير أوي ، بس عمرهم ماجابوا ايه اللي ممكن يحصل بعد كده ، يا ترى هتقدر تكمل حياتها ؟؟ا .. ياترى هتقدر تعيش عشرين أو خمسة عشرين سنة (ده لو ربنا اداها طولت العمر) في هذا الفقر المدقع .. بعد منتهى الرفاهية اللي هي كانت عايشاها في بيت أبوها ، في يوم وليلة تعرف ان هي هتكمل بقية حياتها في الفقر الشديد ده ، طب ايه اللي هيخليها تصبر على كده ؟؟ ... الحب !!! ، ده كتير من العلاقات الزوجية بتفشل وهي قايمة علي حب زي الحب بتاع أخينا اللي فوق ده ، ويمكن أقوى منه كمان .. أمال في ايه ؟؟ ، ايه اللي خلى البنت اللي فوق ده تدي القرار العبيط ده ، واللي هتندم عليه طول عمرها ؟؟ ويمكن تكون قعدت تفكر فيه اسبوعين تلاتة ؟؟ ...... الحـــــب ، طب و ايه الحب ده اللي خلاها تاخد قرار زي ده ؟؟
كتير من الناس تلاقيهم بيقولوا انهم بيبقى نفسهم يقدروا يتحكموا في تصرفاتهم لما يكونوا عصبيين .. أكتر منهم بيبقي نفسهم يبقوا سعدا و يتغلبوا على حزنهم .. و كتير برده بيبقى نفسهم مايخافوش و مايجروش لمايشوفوا فار ولا صرصار ، واكتر واكتر واكتر من اخوانا الشباب بيندموا أشد الندم لما يعملوا المصيبة بعد ما يشوفوا فيلم جنسي ولا اغنية لبوسي سمير ولا نجلا ؟؟؟؟
الحب : مشاعر ؛ زي أي مشاعر من المشاعر اللي احنا قلناها : زي العصبية ، زي السعادة ، زي الحزن ، زي الجنس .. الخوف .. القلق .. زي .. زي ....... الى آخره
ولما ييجي حد يتكلم عن المشاعر يقولك هي في القلب .. القلب ؟؟ ويتكلم عن العقل كأنه شئ مضاد أو شيء عكس المشاعر ...!!! ده معناه ايه ؟؟ معناه ان المشاعر لما تتملك من الانسان لا يستطيع ان يستخدم عقله .. بيتشل تفكيره شلل تام .. و ده حقيقي !! .. مين منا بيعرف يذاكر لما يكون جعان .. مين منا بيعرف يركز في المحاضرة لما يشوف نحلة ولا ضبور عمال يلف حوليه
المشاعر مش حاجة وحشة .. بالعكس .. ده شيء جميل !! ..يمكن المشاعر هي الحاجة الوحيدة اللي بتفرقنا عن الكمبيوترس و الروبوتس.. و لو فكرنا شوية كمان هنلاقي ان المشاعر والرغبات هي السبب الرئيسي ورا التقدم المذهل الحالي للبشرية .. الجوع خلانا نعمل البوتاجاز والخلاط والميكروويف .. الضعف هو اللي خلانا نعمل الونشات والجرارات و الحفارات .. واللي قبلنا قالوها : الحاجة أم الاختراع
طب و الحل ايه ؟؟ معقولة مفيش حل ؟؟؟!! هنسيب مشاكل الحب تنهش مجتمعنا كل يوم !!؟؟
انت لما تكون جعان .. بتحاول تنسى ؟؟ لا أبدا انت بتدور على اكل لحد ما
تلاقي .. طب و لو مالقيتش ؟؟ .. بتصبر و فعلا بتحاول تنسى ، لكن هل بتشبع كده و خلاص المشكلة اتحلت ، ده انت بتجوع أكتر و بينتهي الحال بيك في الشارع و انت بتسرق مخبز ولا فطاطري !!! ... لأ ده كده متبقاش مشكلة ، ده تبقى مصيبة
دورت كده على أي بلد أو أي مجتمع معندهوش المشكله ده .. اتصدمت بالمجتمع الأمريكي كأول مجتمع أبصله أساسا .. لقيته فعلا معندوش المشكلة ده .. ده مش كده وبس .. ده أنا ملقيتش عنده أي مشكلة اجتماعية من أصله .. مفيش لا عادات ولا تقاليد .. مافيش قيود على المرأه نهائيا .. ده هي أساسا بتحب ولا مابتحبش بتسيب بيت أهلها بعد سن ال16
أي بنت بتعمل اللي هي عايزاه .. مفيش ست بقي تقول : شوفي ياختي البــت ماحدش مالي عينها .. ولا حد يقول : آه ماهي مش لاقيه حد يربيها .. ولا في الكلام ده خالص .. مفيش حد ليه دعوة بحد .. البنت بيبقى ليها ال"بوي فرند" عند سن ال16 و يمكن قبل كده .. ولو البنت ماعندهاش "بوي فرند" بعد السن ده يودوها لدكتور نفساني .. مفيش بقى عريس يفضح مراته يوم الزفاف ولا حاجة من ده أبدا .. دول يضحكوا عليه !!!!؟
بس لو النظام ده فعلا حصل في مصر .. هل يستطيع الرجل الشرقي أن يتقبل هذا الوضع ؟؟؟ يانهار أسود !!؟؟ ده يحصل مجازر !! .. هيتم اعدام جميع انثوات مصر في ميدان التحرير والجدع يتكلم .. ده مسألة شرف يابابا ؟؟
بصراحة عندهم حق .. ده أحسن حاجة في مصر دمها الحامي .. أمال عايزنا نبقى خنازير ؟؟؟!!؟؟ .. مع ان نموذج المجتمع الأمريكي بدأ بالتدريج يتسلل لمجتمعنا .. مع الانفتاح و القنوات الفضائية .. و المدن الجديدة والجار اللي مايعرفش الجار الل جانبه .. ولا عارف الشقة اللى تحتيه بيحصل فيها ايه باليل ... الى آخره .. ربنا يستر
ــ طب برده .. فين الحل ؟؟ .. انت عمال تقول في اقتراحات وترجع تقول ان هي متنفعش .. فين يا عم انت الحل ؟؟!!؟؟
ــ الحل ؟؟!! .................................. معرفش !!!؟