.. هي صح

ــ إنت مارديتش على تليفوني ليه إمبارح !؟؟
إنت مش شايفني باكلمك ؟ .. ما بتردش ليه !؟


ــ (رديت عليها بقلة ذوق) : أصلي كنت مخنوق


ــ (بصوت عالي) : مخنوق ؟؟؟! .. يعني إيه كنت مخنوق ؟؟!! .. مخنوق مني يعني ؟؟!!؟


ــ (بصوت أعلى) : انت نسيتي نفسك ولا إيه ؟! .. إنت ماتعليش صوتك عليا ! .. إنت فاهمة ؟! .. انت جاية تقولي شكل للبيع ؟!!؟


ــ إنت بتكلمني كده ليه يابني إنت ؟ .. اسمع بقى الكلام اللي هاقولهولك ده كويس قوي : إوعى تكون فاكر ان اللي حصل بيننا ممكن يحط مناخيري في الأرض .. لأ ياحبيبي .. فوق لنفسك .. ما تولدش لسه اللي ممكن يزلني .. أو يلوي دراعي .. ما فيش حد على وجه الأرض ممكن ينقص من كرامتي واحد ملي .. اللي حصل ده كان غلطة ماقولناش حاجة .. بس ماحدش يقدر يحاسبني عليها غير ربنا سبحانه و تعالى .. هو بس اللي عايزاه يسامحني و يغفرلي .. ما حدش له عندي حاجة .. و زي ما أنا غلطت .. إنت غلطت زيي بالظبط .. و يمكن أكتر كمان .. إنت اللي ضغطت عليا و إستغليت ضعفي .. ربنا هايحاسبك زي ما هايحاسبني بالظبط .. و هايغفرلك زي ما هايغفرلي بالظبط .. ده لو إنت استغفرته .. بس أد ايه دلوقتي عرفت انك معفن و جبان .. أنا مش عايزة أشوف وشك تاني .. إنت فاهم ؟!!؟

ـ(و تركتني و غادرت مسرعة .. و نحيب بكائها يشق عنان السماء)ـ


ــ (أسرعت إليها مهرولا) : لأ .. لأ .. إستني .. أنا آسف ..........ـ


أنا بحـــــــــــــــــــــبك