أنا بكاش ......؟؟؟

بيقولوا عليا بكاش و منافق و كداب قوي قوي قوي ..... ليه بقـــــــــى ؟
كل البنات اللي أنا أعرفهم ، بقوللهم ان هما حلوين .. مش بقول كده بشكل مباشر .. الموضوع بييجي على شكل هذار : ـ



ــ اللا للا للا هه ... ايه الجمال اللي انت فيه ده النهارده .. هي ماما فطرتك ايه ؟


ــ ايه يا بنتي هو اللي يسافر لـ......... يحلو كده ؟


ــ أكيد ماما كانت نحلة .. علشان تعرف تجيب العسل ده كله !!؟


ــ بقى بالزمة يبقى عندك العيون الحلوة ده .. و تخبيهم بالنضارة المعفنة ده !!؟



أنا مش بقول كده علشان أضحك عليهم .. أو علشان يحبوني .. مش بقول كده علشان عايز منهم مصلحة أو خدمة .. أنا بقول كده علشان ........ !!؟


فوجئت أوي لما عرفت من تلات أربع سنين كده .. ان من مقاييس الجمال : العيون الواسعة ! .. و ان الشرق أسيويين منبوذين في المجتمعات الغربية ! .. يا نهار أبيض .. ده أنا كان نفسي أتجوز واحدة يابانية لما أكبر !! .. أنا نفسي كان نفسي تطلع عيوني ضيقة .. زي بروس ليي كده ـ


كنت برده بحب أوي البنات السمرة .. مش القمحي ، السمرة السمرة ! .. بس عرفت ان السمر برده منبوذين في العالم الغربي .. وان في عنصرية لونية في العالم كله بصفة عامة .. وان كانت تتفاوت شدتها من منطقة لآخرى


الجمال من الأشياء القليلة في عالمنا هذا .. و التي لم يستطع أي عالم من العلماء ان يضع له مقياسا محددا ( الست ده جمالها 4.8 .. الجبل ده جماله 2.3 .. و الشعبة المرجانيه ده 3.5) .. هذا لأن الجمال شيء نسبي .. لايمكن أن يتفق عليه جميع البشر


ما أسعد المرأه عندما تسمع كلمه حلوة !! .. ما أبلغ نشوتها عندما تدرك كم جمالها !! .. عندما يتردد على اذنيها كم هي حسناء ! .. عندما تعرف انه ما من مخلوق يضاهيها ! .. عندما تشبه بالقمر ليل تمامه ! .. عندما تشبه بالنجم في بهائه ! .. عندما تصير كالشمس في سطوعها !!؟


أنا مش بكاش ؛ علشان أنا مش عايز أضحك عليهم .. أنا مش منافق ؛ علشان أنا مش عايز منهم أي مصالح .. أنا مش كداب ؛ علشان الجمال ده نسبي ، ماحدش يقدر يحدد أبعاده ....ـ
يمكن ببقى سعيد لما أسعد الناس ( البنات ) .. يمكن بقولهم كده لما أبقى سعيد .. فبشوف كل حاجة جميلة .. يمكن عايز أكسب أصدقاء ... كل شيء جايز !!ـ



يالهوي يا أخوننا .. ده أنا طلعت شمعة بتولع علشان تنور لغيرها .. اللي هما البنات يعني !!؟