في ميدان الجيزة

أيوة يا أحمد .......... إنت فين دلوقتي ؟ .......... فين ؟!! .......... إنت بتستهبل ؟!! .......... طب مش لو هتتأخر كنت إتصلت ولا قلت أي حاجة ؟! .......... بدال متلطعني كده في الشمس ساعة و نص .......... إنت كمان مش جاي ؟!! .......... يعني إيه يعني معرفتش تنزل ؟! .......... هو مين اللي المفروض ميعرفش ينزل ؟! .......... وبعدين مش إنت اللي محدد الميعاد و المكان ؟ .......... أنا مش عارفة ده أسمه إيه يعني ؟ .......... وخلتني أسيب المدرسة النهاردة و أقعد أعمل حوار على أبويا علشان لوإتأخرت .......... وفي الآخر تقولي مش جاي ؟ .......... أصل إنت حيوان .......... أحترم نفسي ؟!! .......... يعني إيه أحترم نفسي ؟! .......... دانا اللي قليلة الذوق ها ؟ .......... واللي إنت عملته ده إسمه إيه ؟ .......... طب خلاص خلاص يا أحمد .......... أنا اللي غلطانة .......... سلام


ــ عايز كام ؟

ــ وريني الموبايل كده ..
جنيه و نص

ــ خد

ــ ماشي ....
..... موبايل موبايل موبايل ... موبايل موبايل ... موبايل ؟ .....