العذاب بعينه
ــ إيه .. مالك يا حبيبتي .. وشك مقلوب ليه ؟
ــ يعني مش عارف ؟!
ــ مش عارف إيه ؟!
ــ إنت إزاي يا أستاذ تسلم عليها كده ؟ .. اللي يشوفك و إنت بتسلم عليها و ماسك إيديها كده .. و اللي يشوف بصتك في عينيها ساعتها .. يقول إن إنتوا عشاق في شهر العسل
ــ إيه ده .. إيه ده .. إنت بتتكلمي على مين كده ؟ .. و مين ده اللي أنا سلمت عليها ؟
ــ أيوه إستعبط .. إستعبط ...... البتاعه ده اللي إسمها "منى"
ــ "منى" ؟! .. "منى" بنت عمي .. يانهارك أسود .. ده منى ده متجوزه و عندها تلات عيال .. ده أكبر مني بخمس سنين ...... يا شيخه حرام عليكي .. حتى "منى" معتقتهاش
ــ أيوه .. أيوه .. إضحك عليا زي كل مره .. مانا معرفش أخد معاك حق ولا باطل
ــ أنا مش هرد عليكي .. علشان إنت الظاهر عقلك ده حصل فيه حاجه
ـــــــــــــــــــ
ــ هتاكل ؟ .. أعملك عشا ؟
ــ لأ يا حبيبتي شكرا
ــ أه .. طبعا .. مانت شبعت لما شفت الهانم !
ــ هانم ميــ ... إنت قصدك على "منى" برده ؟!!
ــ أه .. ما أنت لازم تفتكرها طبعاً .. ماهي وكله عقلك
ــ إنت باين عليكي إتجننتي أكتر ما أنت مجنونه .. أنا عرفك .. إنت مش هتنامي النهارده إلا لما تعمليلك كده خناقه حلوه تمزجك .. خناقه كده دسمه زي أكلك
ــ إيه ده ؟! .. إنت بتتريق على أكلي ؟! .. أ ه ه ه .. مش بعيد تكون كلت عندها كمان .. أكلها عجبك مش كده ؟!
ــ كلت عند مين يابنتي ؟! .. إنت مش لسه عرفه إن هي كانت مسافره مع جوزها و لسه راجعه بقالها تلات تيام ؟
ــ ماشي .. ماشي يا"محمد" .. براحتك .. أنا وراك وراك لحد ما أشوف حكايتها معاك إيه
ــ أديني مستني .. و مستني كمان حكاية "دينا" بتاعة أول إمبارح .. فكراها .. و حكاية "مها" بتاعة الأسبوع اللي فات .... أنا عايزك كده تقعدي تكتبي في حكايات .. يمكن تخدي عليهم جايزة نوبل ولا حاجه ...... أقول إيه ؟!.. قدري .. الحمد لله على كل شيء
ــ مالو قدرك يا بابا .. إنت كنت تحلم مش تجوزني تشوف ضفري بس ؟!!
ــ بقولك إيه ياحبيبتي .. أنا داخل أنام .. تصبحي على خير
ـــــــــــــــــــ
ــ إنت مديني ضهرك كده ليه ؟ .. أه طبعاً .. مش طايق تبص في خلقتي .. عايز تلحق تستحضر صورتها قبل ما تنام .. يمكن تجيلك في الحلم ولا حاجه
ــ ......
ــ بصلي هنا و أنا بكلمك .. بمتردش عليا ليه ؟!!
ــ نـــــــعـــــــــم ..... نعم ياحبيبتي
ــ رد عليا لما أكلمك
ــ طب أنا أعمل إيه دلوقتي ؟
ــ بقولك رد عليا لما بكلمك
ــ خلاص .. طيب .. و أنا برد عليكي أهوه و بقولك : "أعمل إيــــه ؟؟"
ــ تقولي إيه حكايتك مع "منى" ده من أول ماعرفتها لحد دلوقتي .. و إيه العلاقة اللي بينكوا .. و بدأت إمتى و وصلت لحد فين ؟
ــ مفيش يا حبيبتي لا حكايه ولا يحزنون .. ممكن بقى تسيبيني أنام .. علشان ورايا شغل بكره الصبح
ــ كداب في أصل وشك .. أنا متأكده إن في حكايه بينكوا
ــ .........
ــ قوم هنا كلمني !!
ــ يعني مش عارف ؟!
ــ مش عارف إيه ؟!
ــ إنت إزاي يا أستاذ تسلم عليها كده ؟ .. اللي يشوفك و إنت بتسلم عليها و ماسك إيديها كده .. و اللي يشوف بصتك في عينيها ساعتها .. يقول إن إنتوا عشاق في شهر العسل
ــ إيه ده .. إيه ده .. إنت بتتكلمي على مين كده ؟ .. و مين ده اللي أنا سلمت عليها ؟
ــ أيوه إستعبط .. إستعبط ...... البتاعه ده اللي إسمها "منى"
ــ "منى" ؟! .. "منى" بنت عمي .. يانهارك أسود .. ده منى ده متجوزه و عندها تلات عيال .. ده أكبر مني بخمس سنين ...... يا شيخه حرام عليكي .. حتى "منى" معتقتهاش
ــ أيوه .. أيوه .. إضحك عليا زي كل مره .. مانا معرفش أخد معاك حق ولا باطل
ــ أنا مش هرد عليكي .. علشان إنت الظاهر عقلك ده حصل فيه حاجه
ــ هتاكل ؟ .. أعملك عشا ؟
ــ لأ يا حبيبتي شكرا
ــ أه .. طبعا .. مانت شبعت لما شفت الهانم !
ــ هانم ميــ ... إنت قصدك على "منى" برده ؟!!
ــ أه .. ما أنت لازم تفتكرها طبعاً .. ماهي وكله عقلك
ــ إنت باين عليكي إتجننتي أكتر ما أنت مجنونه .. أنا عرفك .. إنت مش هتنامي النهارده إلا لما تعمليلك كده خناقه حلوه تمزجك .. خناقه كده دسمه زي أكلك
ــ إيه ده ؟! .. إنت بتتريق على أكلي ؟! .. أ ه ه ه .. مش بعيد تكون كلت عندها كمان .. أكلها عجبك مش كده ؟!
ــ كلت عند مين يابنتي ؟! .. إنت مش لسه عرفه إن هي كانت مسافره مع جوزها و لسه راجعه بقالها تلات تيام ؟
ــ ماشي .. ماشي يا"محمد" .. براحتك .. أنا وراك وراك لحد ما أشوف حكايتها معاك إيه
ــ أديني مستني .. و مستني كمان حكاية "دينا" بتاعة أول إمبارح .. فكراها .. و حكاية "مها" بتاعة الأسبوع اللي فات .... أنا عايزك كده تقعدي تكتبي في حكايات .. يمكن تخدي عليهم جايزة نوبل ولا حاجه ...... أقول إيه ؟!.. قدري .. الحمد لله على كل شيء
ــ مالو قدرك يا بابا .. إنت كنت تحلم مش تجوزني تشوف ضفري بس ؟!!
ــ بقولك إيه ياحبيبتي .. أنا داخل أنام .. تصبحي على خير
ــ إنت مديني ضهرك كده ليه ؟ .. أه طبعاً .. مش طايق تبص في خلقتي .. عايز تلحق تستحضر صورتها قبل ما تنام .. يمكن تجيلك في الحلم ولا حاجه
ــ ......
ــ بصلي هنا و أنا بكلمك .. بمتردش عليا ليه ؟!!
ــ نـــــــعـــــــــم ..... نعم ياحبيبتي
ــ رد عليا لما أكلمك
ــ طب أنا أعمل إيه دلوقتي ؟
ــ بقولك رد عليا لما بكلمك
ــ خلاص .. طيب .. و أنا برد عليكي أهوه و بقولك : "أعمل إيــــه ؟؟"
ــ تقولي إيه حكايتك مع "منى" ده من أول ماعرفتها لحد دلوقتي .. و إيه العلاقة اللي بينكوا .. و بدأت إمتى و وصلت لحد فين ؟
ــ مفيش يا حبيبتي لا حكايه ولا يحزنون .. ممكن بقى تسيبيني أنام .. علشان ورايا شغل بكره الصبح
ــ كداب في أصل وشك .. أنا متأكده إن في حكايه بينكوا
ــ .........
ــ قوم هنا كلمني !!