بضعة عقود
يا كابتن ..... يا أستاذ ..... يا حج .....
ــ نفسي أروح المدرسه بقى يا مامايا كابتن ..... يا أستاذ ..... يا حج .....
ــ السنه الجايه هنوديك ياحبيبي
ــ مش هتروح معانا الرحله بكره يا محمد ؟ .. ده كل المدرسه رايحهيا كابتن ..... يا أستاذ ..... يا حج .....
ــ لأ هاروح .. أنا قلت لبابا و هو موافق
ــ 87 في الميه ؟! .. و دول هتروح بيهم فين يامحمد ؟ .. يا خساره الدروس الخصوصيهيا كابتن ..... يا أستاذ ..... يا حج .....
ــ معلش يا أبو محمد .. إن شاء الله هيحصَّل تجاره
ــ هي الجامعه فاضيه كده ليه النهارده ياد يامحمد ؟يا كابتن ..... يا أستاذ ..... يا حج .....
ــ تلاقيهم بيذاكروا ياعم .. أنا عارف إيه البنات الدحيحه ده !
ــ أنا بكره رايح التجنيد .. إدعيلي يا أمييا كابتن ..... يا أستاذ ..... يا حج .....
ــ بدعيلك ليل نهار يا حبيبي .. ربنا يعفيك يا محمد يابني
ــ ها .. قلت إيه يا عمي ؟يا كابتن ..... يا أستاذ ..... يا حج .....
ــ شبكه و مهر إيه يا محمد يا بني .. ده إحنا عيله واحده .. ولا إيه يا أبو محمد ؟
ــ تفتكر يا ياسر هيدوني مكافأه على المناقصه ده ؟يا كابتن ..... يا أستاذ ..... يا حج .....
ــ أكيد .. بس أنا ليا الحلاوه
ــ هتسميها إيه يا محمد ؟يا كابتن ..... يا أستاذ ..... يا حج .....
ــ نورا .. هسميها نورا .. و هتبقى آخر العنقود بإذن الله
ــ العيال ده زنانه قوي .. والله كان نفسي أعملُّهم اللي هما عايزينهيا كابتن ..... يا أستاذ ..... يا حج .....
ــ متقلقش يا أخويا ..هنوديهم .. أنا عملت جمعيه و إن شاء الله هتكفي المصيف ده و زياده
ــ معلش بقى .. إستحميليني اليومين دول .. أصل جهاز البت و اخد كل اللي ورايا و إللي قدامييا كابتن ..... يا أستاذ ..... يا حج .....
ــ ربنا يقويك و يقدرك على سترتهم قادر يا كريم
ــ النهارده يا محمد ولادك كلهم هييجوا على العشايا كابتن ..... يا أستاذ ..... يا حج ..... يا .....
ــ إوعى تكوني قلتلهم إن أنا عيَّان يا وليه !
ــ ماما .. بكره إعلان الوراثة .. لازم كلنا نعد مع بعض
ــ كلنا كنا بنحبه والله يا ماما .. الله يرحمه