!تفتكر .. كنت بحب مين فيهم ؟

ــ تصدقي .. إن أنا من ساعة ما شوفتك آخر مرة .. و مش قادر أبطل تفكير فيكي ..

ــ أ أ أ ..... إ إ .. إنت إزاي تقوللي كلا ...

ــ أنا آسف ... بس كان لازم أقولك على اللي جوايا .. مش قادر أخبي ... ثانياً ... إنت من حقك إنك تعرفي حاجة زي كده .. حتى لو مش موافقة ..

ــ يابني ده تاني مرة أشوفك فيها .. ده أنا حتى معرفش إسمك ..

ــ إسلام .... إسمي إسلام

ــ أ .. أ .... أنا لازم أمشي ... عن إذنك

ــــــــــــــــــــــــــــ
ــ إزيك ....

ــ الحمد لله .. كويسة ...

ــ وحشتيني ....

ــ اللهم طولك يا روح ... إنت لسه ...

ــ لسه .. وكنت .... و هفضل ........

ــ هتفضل إيه ....؟!!!

ــ بحبّـــــــك ...

ــطب سلام يا إســـــ ..

ــ إستني بس ..... أنا فعلاً بحبك ... و بحبك قوي كمان ...... مش الحل بقى إن إنت كل مرة تسيبيني و تمشي كده .... و لو مشيتي ... كل مرة هشوفك فيها هقولك إني بحبك ... حتى لو قدام مين .....

ـــ ســـــلااااام م ..

ــ بصي .. لو مش عايزاني أكلمك تاني .. و لا أشوفك .. قوليلي ... و أنا هحاول أنساكي ... مع إن ده مستحيل ... على الأقل هحاول .. بس أنا حاسس إن إنت حاسسة ناحيتي بحاجة برده .... طب ليه بقى نحط راسنا في التراب ...

ــ إنتَّ .... إنتَّ مجنون .... سلام

ــــــــــــــــــــــــــــ
(واحدة غيرها)
ــ إزيك يا إسلام ؟ ..

ــ أهلاً ياختي .. إيه اللي جابك ..

ــ طب مفيش إزيك ؟ .. عاملة إيه ؟ ... أي حاجة كده !!

ــ لأ .. مفيش ...

ــ أنا مش جايَّيا علشان خاطر عيونك .. ورايا محاضرات

ــ في ورق ليكوا بيتصور .. كل الدفعة بتصوره .. عرفتي الموضوع ده ولا لأ !!

ــ و مجبتليش نسخة ؟

ــ إيه ؟ .. إيه ؟ .. هو أنا خلفتك و نسيتك ولا إيه !!

ــ دول هما تلات ورقات ؟ ...

ــ يالهوي ... كل ده ؟ ... أصورلك كل ده ؟!!.... دانا أروح أتجوز أوفر !!

ــ ياساتر .. إيه يابني ده ... أنا رايحة المحاضرة .. تكك البلا ..

ــ يلا في داهية ...