مبادئ كينونة

نادية كانت عايزة تتجوز آمت سعاد راحــ .... لأ سعاد هي اللي كانت عايزة تتجوز فنادية قالتلهــ .... مش فاكر كانت نادية ولا سعاد .... مش مهم ........... المهم إني كل ما آجي أحتاج أسامي بنات أو ستات ، أول إسمين ييجوا على بالي هما نادية و سعاد , مع إني عمري في حياتي ما عرفت حد بالإسمين دول لا أصحاب ولا قرايب ...

ــــــــــــــــــ
يتجلى الإنتماء في عدم وجود إحتمالية لتواجد الرغبة في التخلي عن المنتمي إليه , حيث قد يعترف المنتمي و يوثق بتشققات المنتمي إليه و لكنه يصيح معترفاً بإنتمائه هذا كلما تسنى له الأمر .

ــــــــــــــــــ
لما الزوج ميغرش على مراته .. في الغالب يكون السبب إيه ؟
علشان واثق فيها إن هي عمرها ما هتخونه ... علشان واثق في نفسه ؛ شايف إنه بيؤدي واجباته على أكمل وجه ... علشان متأكد من خوفها ؛ فهو بينلها و وضحلها أكثر من مرة لو حتى فكرت تخونه هيحصلها إيه ... ولا عشان عايش في أرض الواقع و متأكد إن عمر ما حد هيبص لده ...

ــــــــــــــــــ
تتمثل الكينونة في إنبثاق الكائن من القائم على تواجده ، و لكنه يكبر و يتعظم حتى يصبح هذا القائم شخصه جزء ضئيل من هذه الكينونة ، إذا تلاشى أو إختفى تظل الكينونه في إستمراريتها و نموها ..

ــــــــــــــــــ
لو كان أصحابك بيقروا قرآن بإستمرار و إنت مابتقراش , أول حاجة هتفكر تعملها لما تتخنق .. أعصابك تتعبك أو تقابلك مشكلة إنك تقرا قرآن .
و لو كان أصحابك بيشربوا سجاير بإستمرار و إنت مابتشربش , أول حاجة هتفكر تعملها لما تتخنق .. أعصابك تتعبك أو تقابلك مشكلة إنك تشرب سجاير .