جنيه معدن
في جنيه وقع مني هنا يا جماعة .. محدش شافه ؟ .. وقع في الحتة ده .. بعد إذنك كده يا أستاذ .. ثانية واحدة يا مدام .. حاسب يا حبيبي .. يعني الأرض إنشقت و بلعته .. رجلك يا حج .. معلش يا جماعة .. معلش ..
يعني خلاص .. هتموت من الجوع من غيره ؟!.. هو اللي كان معيشك ؟!
و النبي يا جماعة كل واحد يخلي لسانه في بقه .. مش ناقصة .. أنا عارف إنه وقع في الحتة ده .. يعني أسيبه و أمشي ؟!
لأ بهدلنا معاك
كان متقل جيبي .. و كنت مخنوق منه .. خدته باقي كنت ناسيه .. شكله الحلو هو اللي خلاني أحاول أتمسك بيه
هو نادر بس عشان في الأول .. لسه نازل .. لكن بعد كده هيبقى كتير .. هلاقي زيه كتير .. هيملى البلد ! ......... بحاول أقنع نفسي بالكلام ده .. بس مفيش فايدة
كان معايا فلوس كتير غيره ! .. منه لله .. عكنن عليا اليوم.