لعب بالدماغ 3
شقة محمود و حنان / غرفة النوم
شقة خالد و مي / غرفة النوم
محمود و حنان نائمان على السرير ، بجانب حنان كوميدينو عليه منبه يشير للساعه 7:12 ، تنتبه حنان و تفتح عيناها ثم تغلقها مره أخرى و هي تحضر المنبه لتراه ، تراه ثم تعيده مقلوباً
حنان (بصوت نائم) : محمود .. يا محمود .. (تبدأ تحركه) .. قوم يا محمود ..
محمود : مم ؟
حنان : قوم يا محمود .. الساعه سبعة و ربع .. قوم المنبه رن من زمان .. إنت مقمتش ليه
محمود : طب خمس دقايق كمان .. خمس دقايق بس و هقوم على طول
حنان : يا محمود كده هتتأخر على الشغل
محمود : متخافيش .. متخافيش .... خمس دقايق بس .. صحيني بعد خمس دقايق .. أوعي تنامي
يظهر خالد أمام المرآه و هو يربط الكرافت ، تدخل عليه مي و هي تمسك بجاكت البدلة (خالد يهتم بأناقته)
مي : خد شوفها كدهتقبله مي و تذهب إلى السرير
خالد : ميرسي يا حبيبتي
مي : عملتلك سندوتشات .. هتلقيها على السفرة بره جمب الشاي .. إوعى تمشي من غير ماتكلهم
خالد : طيب .. متخافيش .. إنت رايحة فين ؟
مي : هنام شوية عقبال ما ييجي معاد حضانة سيف
خالد (مازحاً) : طب هاتي بوسة
تشير الساعه في المنبه إلى 7:24 ، تنتبه حنان مفزوعه و ترى الساعة
حنان : يا محمود إصحى بقى يا محمودمحمود ينهض و يجلس على السرير ناظرا للأرض و عينيه مغمضتين
محمود : الساعه كام ؟
حنان : الساعه سبعه و نص إلا خمسه .. قوم بقى
محمود يجحظ عيناه و ينظر لحنان
محمود : كام ؟
حنان : سبعه و نص إلا خمسه
محمود : كده مش هلحق أوصل في المعاد .. مش قلتلك خمس دقايق بسينهض محمود ، يأخذ فوطه من على الشماعه و يخرج من الغرفه ، بينما حنان تكمل نومها
حنان : طب معلش قوم .. قوم هو كل يوم الموال ده ؟
ـــــــــــــــــــــــــــــــ
مشهد (11 ,12) ن/د
الشركه التي يعمل بها خالد / الشركه التي يعمل بها محمود
يجلس خالد على مكتب ، أمامه جهاز كمبيوتر يعمل عليه بتركيز و يدون بعض الملاحظات ، لا يعمل أحد مع خالد في الغرفه ، يرن جرس التليفون
خالد : ألو .............. يخرب بيتك .. ياد أقعد إشتغلك ساعتين على بعض .. و مش عايز مديرك يتخنق منك ؟يظهر محمود و هو يلعب بكرتين في يده , و ماسكاً السماعه باليد الأخرى ، لا يختلف مستوى مكتبه كثيراً عن مستوى مكتب خالد ، و لكن الغرفه التي يعمل بها شاسعه , و يعمل معه فردين في نفس الغرفه
محمود : يا عم سيبك .. إسمع بس ........ إنتوا مش ناويين تعملوا حاجه في عيد جوازكوا ؟يضع خالد يده الأخرى على الفأرة و ينظر لشاشة الكومبيوتر ، و يظهر تركيزه الغير موجه كلياً لمحمود
خالد : نعمل حاجه إيه يا عم .. إحنا لحقنا ..... دانا لسه خارج من سبوع قطم وسطي
محمود : يعني مش ناويين تعملوا حفله ولا حاجه ؟يغلق محمود السماعه ، و يفكر قليلا
خالد : لأ ميتهيأليش .. إنت بتسأل ليه ؟
محمود : ناوي أعملكوا مفاجأه محصلتش
خالد ( غير متحمساً) : مفاجأة إيه ؟
محمود : ملكش إنت دعوه بقى ... بس هتدعيللي
خالد : ماشي ياعم ... لما نشوف
محمود : يلا بقى أسيبك تشتغل
خالد : خلاص أوكي .. سلام
محمود : سلام
أحد زملائه في الغرفة : هو خالد ده هو اللي إنت هتبعتله الراجل
محمود (و هو يضحك) : أه ه .. ده هتبقى ليله
يكتب خالد نتيجه نهائيه على الورقه ، ثم ينظر لهم نظره أخيره و كأنه يراجع ، ثم يرن جرس بجانيه (لا يسمعه) ، و بعد قليل تدخل عليه منال ، منال ليست محجبه ترتدي جيبه سوداء و قميص كروهات فاقع ، و ترتدي نظاره (ليست أنيقة)
خالد : تعالي يا منال .. خدي الورق ده وإديه لأستاذ حاتمتأخذه منال و تخرج و تغلق الباب خلفها
منال : حاضر