لعب بالدماغ 4
مشهد (13) ل/د
شقه محمود و حنان
على السفره
يجلس محمود و حنان على جانب من جانبي السفره ، بينما يجلس ولاء و هيثم على الجانب الأخر
هيثم (لولاء) : إيه ده ؟! ... ده طبق الشربه بتاعييريد هيثم أن يأخذ قطعة لحم من ولاء , ترد ولاء وهي تثقل لسانها و تجزز على أسنانها
حنان : كل واحد يشرب من طبقه .. و لموا نفسيكوا بقى
حنان (لمحمود) : حصل حاجه تاني النهارده في الشغل ؟
محمود : حصل النهاره حتة موقف .. مسخره .. فكريني أبقى أحكوهلك بعد الأكل
حنان : محصلش مشاكل مع مدحت يعني
محمود : لأ .. مجاش النهارده
حنان : أمال موقف إيه اللي بتقول عليه ؟ .. متحكوهولي دلوقتي
هيثم (لولاء) : إيه يعني ؟ .. هاخد حته ..... الحقي يا ماما
ولاء : لللأيكمل محمود ولا يعطي أي رد فعل
حنان : خد حتتي أهه ... (بغضب) و مش عايزه أكسر دماغكوا عـ المسا
محمود : النهارده يا ستي دخل علينا الشغل شاب كده .. لابس جلبيه و حاطت حولين رقبته شوية سبح .. كان عامل زي الناس اللي بيحضروا عفاريت اللي بييجوا في الأفلام العربي .. الشركه كلها إتقلبتأنهى هيثم و ولاء طعامهم ، و نهضوا
حنان (دون أن تنظر إليه) : ها و بعدين
محمود : كان بيوزع ورق كده .. الورقه كان شكلها تحفة .. أبقى أوريهالك لما أقوم .. سودا كده .. و مكتوب عليها بالأحمر .. و مرسوم عليها جماجم و عفاريت و أشكال غريبة
حنان : ممم .. وبعدين
محمود : الولد ده كان بيقول إيه بقى ... (يغير نبرة صوته .. و يلوح بيده و كأنه يهتف ساخراً) " لو عايز تعرف حظك .. لو عايز تعرف نفسك .. لو محتار و مش عارف تشتري أنهي عربية .. لو مش لاقي عروسه .. و لو مديرك خانقك" .. الناس كلها ضحكت على حكاية المدير ده .. و بعد كده وزع الورق اللي معاه ده
حنان : مكتوب عليه إيه بقى الورق ده ؟
محمود : منا هأقولك أهوه .. مكتوب عليه كل الكلام اللي الواد قاله ده و كلام كتير كده زيه .. مكتوب على الورقه من فوق .. ( يلوح بيده و كأنها يافطه عظيمه) "مكتب السعاده" .. و تحت في نمرتين تليفون
حنان : تلاقيهم نصابين
محمود : أكيد .... بس إستني ده لسه الموضوع مخلصش
حنان : إيه اللي حصل تاني ؟
حنان : قعدوا كملوا أكلكواصمت قليلاً محمود ثم أكمل
هيثم : أنا شبعت خلاص يا ماما
ولاء : وأنا كمان
حنان : طب روحوا إغسلوا إيديكوا كويس
محمود : كنت قاعد فاضي .. رحت إتصلت بالنمرهكانت تنصت حنان لكلام محمود بإستغراب
حنان (تنظر إليه بشوق) : إيه ده بجد ؟
محمود : أه .. ردت عليا أنسه كده .. و قالتلي ( رفع صوته) "هنا مكتب السعاده يا فندم .. تحت أمرك" .. قلتلها .. "أه .. والله أنا عندي مشكله كده .. مش عارف هتقدروا تساعدوني ولا لأ" .. راحت ردت عليا بثقه .. "هنقدر طبعا يافندم" .. و مسألتنيش حتى على المشكله .. و بعدين قالتلي "تحب حضرتك نحددلك ميعاد إمتى" .. قلتلها "مش عارف .. أصلي مش فاضي خالص الأيام ده .. مقدرش أعرف الحل على التليفون" .. ساعتها أساساً كان كل المكتب سامع و عمال يضحك .. راحت هي قالت "لأ لأسف مينفعش .. لو تحب حضرتك .. إحنا ممكن نبعت لحضرتك المختص" .. أنا فوجئت بصراحه .. راحت طقت في دماغي فكره جهنميه .. قلتلها " ياريت والله .. أنا أبقى شاكر جداً" ..
حنان : إنت شكلك بتعيش عليَّاكان قد أنهى هيثم و ولاء غسيل أيديهم و ذهبوا ليشاهدوا التليفزيون ، غرفة السفرة و غرفة المعيشة (التي بها التليفزيون) تكاد تكون غرفة واحدة
محمود : لأ أبداً والله .. روحت إديتها عنوان خالد .. و حددتلها ميعاد يوم الأربع
حنان : طب ليه يعني الرخامه ده .. و قلت لخالد بقى ولا لسه ؟
ولاء (لهيثم) : سيب القناة التانيه علشان بتفرج على عالم سمسم
هيثم : لسه إعلانات .. هاشوف في إيه على سبايس تون و أرجعلك تانييذهب هيثم على غرفته و هو يضرب على الأرض و يتمتم ، بينما وقفت حنان و أخذت تجمع الأطباق الفارغه ، يكمل محمود
ولاء : لأ أنا عايزه أتفرج عليه من أوله .. (و هي تبكي) يا ماما
حنان : سبلها اللي هي عايزاه يا هيثم و خش إنت كمل الواجب بتاعك
محمود : إتصلت أنا النهارده بخالد .. و لمحتلوا .. قلتله إن أنا عاملكوا مفاجأه في عيد جوازكوا .. فإحنا ساعتها هنبقى هناكتذهب حنان بما جمعت من أطباق إلى المطبخ ، يأخذ محمود طبقين و يتبعها صائحاً
حنان : أه صحيح .. ده يوم الأربع ده عيد جوازهم ....... يلا خلينا نشوف الناس دول بيعملوا إيه ..
محمود : يلا أي خدمه .. هوريكي دجال أهوه على الحقيقه .. علشان متقوليش إن أنا حارمك من حاجه
حنان : بس هياخد كام بقى على كده .. لحسن يشطح
محمود : لأ متخفيش .. أنا إتفقت معاه ..... (بحماس) ياه .. مش قادر أستنى ليوم الأربع
ـــــــــــــــــــــــــــــــ
مشهد (14 ,15) ن/د
شقة خالد و مي / غرفة المعيشة
شقة محمود و حنان / المطبخ
تجلس مي على كرسي أنتريه بجانب التليفون ، تمسك بالسماعة
مي : بَس يا ستي .. بعد كده تخدي الخلطة ده و تحشي بيها العجين .. بس بعد ما يخمر .. تفرديه كده حتت حتت زي الجلاش .. و تحطي الخلطه و تلفيه ...... أه ......... و كمان ممكن بدال الخلطه ده تحطي لحمه مفرومه .. أسهل بكتير وهيبقى طعمه أحلى .. أنا عن نفسي بعمله بلحمه مفرومهتتكلم حنان من تليفون معلق على الحائط في المطبخ ، تمسك السماعة بكتفها و تقشر كوسه و هي تتكلم
حنان : و أسيبه بقى في الفرن قد إيه ؟ ................ أه و بعد ما أطلعه أهويه ؟ ...... أه .. أه فهمت .. ميرسي يا مي .. نخدمك في الأفراح ياربثم تضحك حنان ضحكه خفيفه ، و تبدو و كأنها تذكرت شيئاً
مي (مازحة) : عادي .. ما أنا طول عمري جمايلي مغرقاكي
حنان : ماشي يا معفنه
حنان : شفتي محمود عمل إيه ؟
مي : إيه عمل إيه ؟
حنان : قرر يجيبلكوا دجال هديه في عيد جوازكوا
مي : يجيبلنا إيه ؟
حنان : دجال يا بت ............. دجال أه
مي : يجبهولنا إزاي يعني مش فاهمه
حنان : إتفق معاه .. و خد منه ميعاد يوم الأربع .. و إداله عنوانكوا
مي : إنت بتهذري ولا بتكلمي بجد ؟!
حنان (وهي تضحك) : والله بكلم بجد
مي (بذهول) : يا بت دجال .. اللي هو دجال يعني .. بتاع عفركوش و برتكوش و الحاجات ده .. اللي هوه بيبقى قدامه بخور ده
حنان ( و مازالت تضحك) : عليكي نور
مي : يا ماما ........ هوه في زيهم كده في الحقيقه ؟
حنان : ما هو عشان كده جابه .... حب يجرب ..... عايز يجيبه يتريق عليه شويه
مي : و ده لقاه فين ده ؟
حنان : أقولك يا ستي .... إمبارح وهوه في الشغل
ـــــــــــــــــــــــــــــــ
مشهد (16) ل/د
شقة خالد
غرفة المعيشة
يقف خالد على منضده خاصة بالكي ، يكوي و هو يستمع إلى أغاني حديثة على الكومبيوتر بصوت مرتفع ، تصيح مي من المطبخ
مي : تشرب شاي يا خالد ؟يستمر خالد في الكي مستمتعا بأغانيه ، تأتي مي من المطبخ حاملة كوب الشاي (بعد وقت مناسب لعمله) ، تصيح مرة أخرى لخالد
خالد : إيه ؟
مي (بصوت أعلى) : بقولك تشرب شاي ؟
خالد : لأ مش دلوقتي
مي : متجيب أنا يا حبيبي أكمل بدالكتجلس مي على كرسي و هي تمسك بكوب الشاي ، ثم يأتي سيف ركضا من الداخل لوالدته ، فتعطي له مي أذنها لتسمعه
خالد : لأ خلاص قربت أخلص .. ميرسي يا حبيبتي
سيف : ماما .. تعالي هتيلي الكورة من فوق الدولابتضع مي كوب الشاي من يدها على طاولة مجاورة و تذهب معه ، تعود بعد قليل تأخذ الشاي و تجلس مكانها ، تكلم خالد
مي : سمعت أخر نكتهيذهب خالد يخفض صوت الكومبيوتر (الكومبيوتر في غرفة المعيشة)
خالد : بتقولي إيه ؟
خالد : كنتي بتقولي إيه ؟
مي : عارف المفاجأه اللي كان قالك عليها محمود ده تبقى إيه ؟
خالد : و إنت عرفتي منين ؟ .. حنان قالتلك ؟
مي : أه
خالد : و طلع محضر إيه بقى الفقري ده ؟
نهاية الجزء الرابع