لعب بالدماغ 9
محمود : الموبايل .. مشفتهوش ؟يدخل محمود يده في جيبه الداخلي فيجده و يخرجه ليريه لخالد دون أن يتكلم ، يجلس محمود و يضع يده على رأسه
خالد : لأ إنت مطلعتوش من ساعة مجيت .. دور كده في جيوبك كويس
محمود : لأ مش لاقيه .. مش عارف بقى نسيته في الشغل ولا إيه
خالد : إنت مش فاكر إذا كنت خدته من الشغل ولا لأ ؟ .... طيب ماطلعتوش في البيت ؟
خالد : طب الحمد لله .. حصل خير .......... (محاولاً المزح) يلا بقى كمل علشان أنا مقطعك الدور دهيمسك محمود بأوراقه و لا تزال أثار الخضه على وجهه ، بينما يظهر على وجه خالد تعبير لوم لا يريه لمحمود
ـــــــــــــــــــــــــــــــ
مشهد (33) ل/د
شقة خالد و مي
غرفة النوم
يدخل خالد من الباب ، يرتدي نفس ملابس المشهد السابق ، مي نائمة و بجوارها سرير مروان ، خالد يغير ملابسه
مي (بصوت نائم) : إنت جيت إمتى ؟ينهي خالد تغيير ملابسه و يذهب لينام بجوار مي ، و يطفي النور
خالد : لسه جاي .. إنت لسه منمتيش ؟
مي : لأ كنت نايمة .. متنساش إن بكرة رايحين لماما ؟
خالد : لأ .. مش ناسي .. هحاول أجي بدري ؟
مي : جعان ؟ .. أقوم أحضرلك عشا ؟
خالد : لأ .. مش جعان
مي : محمود كويس ؟
خالد : أه كويس .. مفيش حاجة خالص
مي : طب الحمد لله
ـــــــــــــــــــــــــــــــ
مشهد (34) ن/خ
أمام شركة خالد
يخرج خالد من باب الشركه متجها إلى سيارته ، بينما يفتح باب السيارة يجد منال تخرج هي أيضا من باب الشركة ، فيشاور لها بالقدوم
خالد : منال ..... منالتأتي إليه
خالد : متيجي أوصلك في طريقي يا منال ؟يركب خالد سيارته و ينطلق ، بينما تظل منال واقفة تنظر إليه وتبتسم إبتسامة سعادة
منال : لأ .. ميرسي خالص يا خالد بيه .. أنا مش مروحة .. أنا رايحة لعمتي هنا جمبينا
خالد : خلاص أوكي .. عايزة حاجة ؟
منال : لأ ميرسي .. مع السلامة
خالد (و هو يركب) : سلام
ـــــــــــــــــــــــــــــــ
مشهد (35) ن/د
منزل خالد
يدخل خالد من باب الشقة
خالد : ميمي في المطبخ ، تغسل صحون ، يدخل عليها خالد
مي : أيوة يا حبيبي .. أنا هنا
خالد : سلاموا عليكوا
مي : و عليكم السلام و رحمة الله و بركاته
خالد : إيه مش رايحة لماما
مي : لأ .. هلبس على طول أهوه
خالد : يلا .. و أنا هاخد دش على طول و ألبس
مي : مش هتاكل ؟
خالد : لأ هاكل .. حطيلي الأكل على بال ماخرج من الحمام
ـــــــــــــــــــــــــــــــ
مشهد (36) ن/خ
مدخل عمارة خالد
ينزل خالد من على السلم و هو يحمل مروان ، تتبعه مي تمسك بيد سيف ، محمد البواب يجلس بجانب المدخل
خالد : مسحت العربية يا محمد زي ما قلتلكيقف محمد بهدوء
محمد : اه يا بيه مسحتها .. تؤمر بحاجة تانيةيدخل خالد يده في جيبه ثم يخرجها ويعطي محمد جنيهان ، بينما يأخذهم منه محمد يلاحظ خالد الساعة في يد محمد و التي يفاجأ عندما يراها ، يصمت قليلاً ثم يستعيد تركيزه
خالد : ماشي يا محمد .. لأ شكراًينظر خالد نظرة أخيرة على الساعة ثم ينصرف
ـــــــــــــــــــــــــــــــ
مشهد (37) ن/خ
سيارة خالد
يجلس خالد على عجلة القيادة و هو مازال يحمل الولد ، يدير السيارة ، يدخل سيف في المقعد الخلفي ، و تجلس مي بجانب خالد ، ثم يعطيها الطفل
مي : إيه مالك ؟ .. في حاجة ؟
خالد : لأ مفيش .. خلاص ؟
مي : اه يلا إتكل على الله
ـــــــــــــــــــــــــــــــ
مشهد (38) ل/د
منزل محمود
غرفة الأولاد
يجلس هيثم فوق ولاء يضربها
ولاء : ماما ..... ياماما ..... بقولك إبعد عني بقى .. الللهيدخل محمود مسرعا ماسكاً في يده حزام ، و على ملامحه ملامح غضب شديد ، و يضرب الأولاد بغل و عشوائية
حنان (من الخارج) : في إيه يا ولاء مالك ؟
ولاء : هيثم بيضربني يا ماما
محمود : قلتلكوا .. كام مرة .. تخرسوا يا ولود الكلب ؟ ... ها ؟يفزع الأولاد و يبكون بكاء شديد
ولاء : والله يا بابا ما عملت حاجةيستمر محمود في الضرب حتى تأتي حنان و تمنعه
هيثم : هي يا بابا اللي عمالة تشتمني
حنان : أخرجوا إنتوا بره .. يلاتهدئ حنان محمود و تجلسه على إحدي سراير الأولاد
حنان : إيه يا محمود في إيه ؟ ... إنت عمرك ما ضربت العيال كدهيفكر محمود قليلاً و هو ينظر على الأرض
محمود : نرفوزوني قوي .. و أنا عندي صداع
حنان : يعني هما أول مرة يتخانقوا .. ما طول عمرهم و هما كده .. قولي بس ... مالك ؟
محمود : أنا عايز أسيب الشركة ده يا حنانتفاجأ حنان ، و الخوف يظهر عليها
حنان : ليه يا محمود .. إيه اللي حصل تاني ؟تنهض حنان و هي مازالت تنوح من أثر الصدمة ، بينما يظل محمود جالساً يفكر
محمود : الشغل بقى متعب و ممل .. و أنا أساسا مبحبهوش
حنان : طب إيه الجديد .. مانت بتشتغله بقالك سنين
محمود : ده غير الزملا الزبالة إللي بيبصوا لللي في إيد الواحد
حنان : هو مدحت عمل حاجة تانية ؟
محمود : لأ لسه
حنان : هو إيه اللي لسه ؟ .. متقول يا محمود فيه إيه على طول وجعت قلبي
محمود : في ملف قدمناه النهاردة لمناقصة مهمة في الشيخ زايد .. الملف ده أنا غلطت فيه غلطة تودي في ستين داهية .. غلطة هبلة ميغلطهاش واحد لسه في أولى كلية .. الغلطة ده ممكن تخسر الشركة 150 ألف جنيه
حنان : يالهوي .. غلطة إيه ده يا محمود ؟
محمود : غلطة في تقدير الموازنة كده .. غلطة غبية .. ربنا يعدي الموضوع على خير
حنان : هيعديه على خير إزاي يا محمود ؟ .. يلهوي ... يادي المصيبة
محمود : أنا عارف بقى ...... بقولك إيه أنا مش ناقصك .. متعمليليش الحركات ده
حنان : أمال عايزني أقوم أتحزم و أرقص يا محمود .... أنا قايمة أشوف المطبخ