لعب بالدماغ 10
منزل والدة مي
علي الباب
يودع والدي مي كلا من خالد و مي و سيف ، ثم تهمس والدة مي لمي
أم مي : هو في إيه يا مي ؟ .. جوزك شكله زعلان يابنتي .. ده متكلمش النهاردة خالص .. خير هوحصل حاجة ؟و يخرج كلا من خالد حاملاً مروان و مي تمسك بإيد سيف ، و يتابعهما والد و والدة مي بالنظر من على الباب
مي : لأ مفيش .. إحنا لحد ما خرجنا من البيت و مكانش في حاجه .. مش عارفه يا ماما .. بس هو فعلاً شكله متغيير .. هبقى أحاول أسأله ؟
أم مي : أه يا بنتي إبقى إسأليه .. و إطمني عليه كده .. خليكي قريبة من جوزك
مي : حاضر يا ماما .. هو تلقيه بيقكر في حاجة بس .. إن شاء الله مفيش حاجة
خالد (من عند الباب) : يلا يا مي .. عايزه حاجه يا طنط
أم مي : سلامتك يا حبيبي .. إبقوا طمنونا عليكوا
مي : حاضر
ـــــــــــــــــــــــــــــــ
مشهد (40) ل/خ
سيارة خالد
خالد يقود السيارة و مي تجلس بجانبه ، سيف نائم على الأريكة الخلفية ، بعد قليل مروان يبكي فترضعه مي
مي : مالك يا خالد ؟ .. شكلك من ساعة ما خرجنا من البيت مش طبيعي ؟تضحك له مي ، و لكنه لايبتسم
خالد : لأ مفيش .. بفكر في حاجة كده في الشغل
مي (بخبث) : طب متخلي منال تساعدك ؟
خالد : و مال منال ومال شغلي ؟
مي : يعني .. إنت طول عمرك بتقول عليها شاطرة
خالد : إنت إتهبلتي ولا إيه يابت .. ده منال ده في السكرتارية .. إش فاهمها في شغلي
مي (مبتسمة) : طيب
خالد (بغضب) : في إيه يا مي .. إنت حصل في مخك حاجة .. قصدك إيه ؟
مي : مقصديش حاجة يا حبيبي .. أنا بهذر معاك
ـــــــــــــــــــــــــــــــ
مشهد (41) ن/خ
مدخل شركة خالد
يخرج خالد من الباب عابس ، فتتبعه منال تجري
منال : أستاذ خالد ... يا أستاذ خالديلتفت خالد يجد منال تحاول أن تلحقه ، فينتظرها
خالد : إيه يامنال ؟ .. خير في حاجة ؟يفكر قليلا خالد ، ثم يقول بعدم ترحيب
منال : أنا مش رايحة النهاردة عند عمتي .. ممكن توصلني في سكتك
خالد : تعاليلا يسير معها ، يسرع إلى السيارة و هي تحاول أن تلاحقه ، يركب السيارة و يديرها ثم يفتح الباب لمنال ، تركب منال و ينطلق خالد بالسيارة
ـــــــــــــــــــــــــــــــ
مشهد (42) ن/د
شقة خالد
غرفة المعيشة
يرن جرس التليفون ، فتذهب مي لترد عليه
مي : ألو
حنان : أيوة يا مي .. إنتوا كنتوا فين إمبارح طول الليل ؟
مي : خرجت أنا و خالد .. روحنا لماما .. خير في إيه ؟
حنان : و النهاردة برده طول النهار .. عمالة أتصل جرس و محدش بيرد
مي : تلاقي السماعة كانت مرفوعة ولا حاجة .. في إيه يا بنتي قلقتيني ؟
حنان (ببكاء) : محمود هيترفد يا مي
ـــــــــــــــــــــــــــــــ
مشهد (43) ن/خ
سيارة خالد
يقود خالد السيارة ةلا يتكلم
منال : و إزاي المدام والأولاديتكلم خالد بفتور ، تمر فترة صمت ثم تحاول منال مرة أخرى
خالد :كويسين الحمد لله
منال : إمبارح بعد ما سبتك .. روحت لعمتي .. كانت أول مرة تشوفني بعد النيولوك .. أول ما وصلت .. فتحتلي الباب .. بصت كده شوية و بعدين قالتلي إنتي مين ؟ .. و هي أساسا كانت بتعرفني من قبل ما أخبط ... قلتلها أنا منال يا عمتي .. إزاي معرفتنيش ؟بدأ خالد يتابع كلام منال و ينظر لها من حين لأخر
منال : منال ؟ .... منال مين ؟ .. منال بنت أخوكي يا عمتي .. منال مسعد .. إنت نسيتيني ولا إيه ؟ .. ده أنا كنت لسه عندك الأسبوع اللي فات .. منال مسعد .. منال بنت أخويا .. إنت هتسطعبطي .. إنت شكلك نصابة ....... و خصوصاً إن نظرها ضعيف شويةتضحك منال ثم تكمل
خالد (محاولاً المزح) : شوية بس ؟
منال : راسها و ألف سيف إن أنا مش منال .. راحت خبطت على الجيران .. و تسألهم .. يقولولها أيوة يا حاجة ده منال .. بس شكلها متغير شوية .. تقوم قايلة متغير إزاي يعني .. هو في حد شكله بيتغير .. إنتوا أكيد نصابين معاها .. ده مش منال أبداًتحكي منال هذه القصة بخفة دم تجبر خالد على التفاعل معها ، فيضحك خالد
منال : و مصدقتش إلا لما قعدت أحكيلها شوية حكايات عني أنا وبابا زمانيبتسم خالد
خالد (وهو يضحك) : مش وسعت منك ده شوية يا منال
منال : لأ والله أبدا .. كل اللي قلتلك عليه حصل .. أصل بيني و بينك عمتي سنها كبير وعقلها خف شوية
خالد : أه .. طيب .. إنت بيتك هنا .. مش كده ؟
منال : ياه .. بسرعة كده .. ده أنا محستش بالطريق خالص .. مع إني كل يوم بحس إنه سفر
منال : طب ما تطلع تشرب حاجةقطب خالد حاجبيه غير مرحباً بأسلوب منال ، و يظهر عليه أنه لم يرحب بإسمه دون ألقاب من منال ، لكنه لم يعلق و ركب سيارته و إنطلق
خالد : لأ شكراً
منال : طب أقولك .. بلاش تطلع .. فيه كافيه هنا جنبينا دمه خفيف .. تعالى نشرب فيه شاي
خالد : لأ شكراً .. متشكر قوي
منال : تعالى بس .. ده فيه شيشه كمان .. يعني لو تحب
خالد : لأ .. مرة تانية إن شاء الله
منال : خلاص براحتك .. و متشكرة قوي على التوصيلة يا خالد