لعب بالدماغ 11
شقة محمود و حنان
يرن جرس الباب فتذهب حنان لفتحه ، تجد محمود أمامها
حنان : ها .... إيه الأخبار ؟يظهر على محمود التعب ، و لا يريد أن يتكلم
محمود : أخبار إيه ؟يتكلم محمود و ه و يدخل إلى غرفة النوم و تسير وراه حنان
حنان (بصوت عالي) : يعني هيكون أخبار إيه ؟ .. أخبار المصيبة اللي إنت عملتها ؟
محمود : لسه نتيجة المناقصة مطلعتش .. متطلعش بسرعة كده .. لسه
حنان : محدش عرف حاجة يعني ؟
محمود : لأ لسه
ـــــــــــــــــــــــــــــــ
مشهد (46 , 47) ل/د ل/خ
شقة خالد / تليفون عمومي
يجلس خالد أمام الكومبيوتر ، يتضح عليه آثار المشاجرة مع مي ، يرن موبايله و الذي كان بجواره
خالد : ألو ........... أيوة ........... هو مين معايا ؟ ............ منال ؟ .........منال مين ؟ ........ آه أهلاً يا منالتظهر منال و هي تتكلم من كابينة في الشارع
منال : إزيك يا أستاذ خالد .. و إزاي المدام و الأولاد ؟ترتبك منال قليلا ثم تتكلم
خالد : الحمد لله .. خير يا منال ؟
منال : لأ أبداً .. أنا بتصل بس علشان أفكر حضرتك بميعاد الأستاذ يحيى بتاع العلاقات العامة بكرةإرتبكت منال و لم تدري ماذا تقول ، فبادرها خالد قائلاً
خالد (وهو يبتسم) : مستنتيش لحد بكرة و قولتيلي في المكتب ليه يا منال ؟
منال : أصل الـ ....... أصل
خالد : إنت بتتكلمي منين يا منال ؟تغلق منال التليفون ، و تظهر السعادة على وجهها ثم تذهب
منال : أنا بتكلم من تليفون عمومي في الشارع بتاعنا
خالد : طب متصلتيش من بيتكوا ليه ؟
منال : معندناش مباشر .. و معييش رصيد على الموبايل ؟
خالد : بقولك إيه يا منال .. لسه الكافيه اللي إنت قلتيلي عليه ده فاتح ؟
منال (بإبتسامة) : أه ليه ؟
خالد : طب إستنيني فيه .... هجيلك على هناك
منال : حاضر
ـــــــــــــــــــــــــــــــ
مشهد (48) ل/د
شقة خالد
ينظر خالد في المرآه -التي بجانب باب الشقة- نظرة أخيرة ، ثم يأخذ المفاتيح و يخرج ، تسمع مي صوت الباب ينغلق فتظهر عليها نظرة قلق و حيرة
ـــــــــــــــــــــــــــــــ
مشهد (49) ل/د
كافيه منال
يضحك خالد و منال
خالد : يخرب بيتك .. ده إنت طلعتي فقرية .. هو اللي لعبلك في شكلك لعبلك في دماغك كمان ولا إيه ؟يضحك الإثنين مرة أخرى
خالد : قوليلي بقى .. إنت إيه اللي خلاكي تتصلي بيا النهاردة ؟ترد منال بتردد و هي تهرب من عينيه
منال : منا قلتلكيبتسم خالد
خالد (مازحاً) : لأ .. إجابة خاطئة .. طول عمري بيبقى عندي مواعيد و إنت عمرك متصلتي بيا
منال : أصلي .... أصلي بصراحة يا أستاذ خالد .. أصلي كنت عايزة أتكلم معاك .. عادي
خالد : كنتي عايزة تقولي إيه ؟
منال : لأ .. مش حاجة معينة .. كنت عايزة أتكلم معاك و خلاص
منال : أ ه ه .. يا خوفي أنا من الكلام و خلاص دهتبتسم منال بخجل
ـــــــــــــــــــــــــــــــ
مشهد (50) ل/د
شقة خالد
يدخل خالد إلى غرفة نومه و هو مبتسم ثم يعبس و كأنه تذكر ، تظهر مي و هي مستيقظة ، و لكنها لا تُعلم خالد بذلك ، يغير خالد ملابسه ثم ينام ، تبين ملامح حنان القلق و الخوف
ـــــــــــــــــــــــــــــــ
مشهد (51 ، 52) ن/خ
سيارة خالد / كورنيش النيل
يجلس خالد على عجلة القيادة ، و بجواره منال ، يبتسمان و كأنهما لسه منهين حوار شيق
خالد : إنت كل يوم هترميها كده ؟! .. هبقى رئيسك في الشغل و الشوفيير بتاعك و إحنا مروحيين ؟تنظر منال في المرآه و تضع يدها على و جنتها في حركة إعجاب بالنفس
منال : طب إنت تطول توصل القمر ده كل يوم
منال : إنت المفروض تصلي صلاة شكر على اليومين اللي إنت و صلتني فيهم دوليضحك الإثنان ، ثم يرن موبايل خالد
خالد : ألو ..... أيوة يا محمود ..... إزيك ........... إيه ؟ ........ بتقول إيه على صوتك ؟يظهر محمود و هو يسير على كورنيش النيل في منطقة و سط البلد
محمود : بقولك إترفدت ياعم .. إترفدت ... أغنيهالكيغلق خالد التليفون
خالد : طب إنت فين دلوقتي ؟
محمود : متلقح على الكورنيش ..... قدام هيلتون رمسيس
خالد : طب خليك عندك .. هعدي عليك دلوقتي .. متتحركش من عندك ها
خالد : أنا هوصلك على طول علشان رايح مشوار مهم .... أوكي ؟
منال : في حاجة ؟ .. حصل حاجة ؟
خالد : لأ .. مفيش
ـــــــــــــــــــــــــــــــ
مشهد (53) ن/خ
سيارة خالد
يقف محمود على سور الكورنيش و في يده سيجارة ، يأتي خالد بالسيارة
خالد :إركب يافاشل ........ ياد يافاشللم يسمع محمود من أول مرة ، يلقي محمود السيجارة و يذهب لخالد
خالد : إيه يا عم ؟ ..... اللي واخد عقلك ؟يضحك محمود ضحكة سخرية صفراء ، و ينطلق خالد
محمود : إطلع و النبي يا خالد مش ناقصاك
خالد : و سجاير كمان ؟ .... هي حصلت ؟ ... و قدامي ؟
خالد : أمال عربيتك فين ؟ينظر إليه محمود مستنكراً يلوم هذاره ، فيكمل خالد مستدركاً
محمود : سيبتها في الشغل
خالد : هما مش رفدوك ؟ .... إيه التماحيك ده
خالد : عايزين بقى نشوف حتة نقعد فيها وتحكيلي على اللي حصل
يقف خالد على الكورنيش عند المعادي ، يفتح محمود الباب فور وصوله و يخرج من السيارة و يتجه للسور ، يغلق خالد السيارة و يتبعه ، يذهب و يقف بجانبه
محمود : كان في صوت واحدة جانبك و إنت بتكلمني ...... كانت منال .. مش كده ؟يفاجأ خالد بالسؤال ، فيجاوب بتردد
خالد : لأ .. مين اللي قالك ؟يبكي محمود و يتكلم ببكاء
محمود : أنا عارف ... و إترفدت أنا النهاردة
محمود : كلام شريف كله حقيقي يا خالد ............أنا هموت يا خالد